E ardhmja e Luka Modriç është gjithnjë e më larg Madridit. Edhe pas rikthimit të Zidane, kroati e ka humbur shkëlqimin e tij dhe është larg niveleve të treguara në vitet e fundit.
Shkak për largimin e tij, është edhe mosha e madhe e futbollistit, i cili për pak kohë mbush 34 vjeç.
Interes për kroatin verën e shkuar shfaqi Interi, por drejtuesit madrilenë nuk u bindën nga shifra 30 milion euro që ofronin zikaltërit.
Këta të fundit i ofruan Modriç një kontratë tre vjeçare, e cila do të pasohej me një kalim në Kinë tek Jiangsu, ku kroati do të përfitonte 15 milion euro në sezon.
Reali po mendon të rikthejë edhe njëherë këtë pistë, pasi tashmë i kanë vënë syrin yllit të Inter, Milan Skriniar.
Sllovaku pëlqehet shumë nga dyshja Perez-Zidane, të cilët janë gati të ofrojnë Modriç plus 20 milion euro, për të siguruar shërbimet e tij.