Pas shkarkimit nga stoli i kombëtares shqiptare, Kristian Panuçi tashmë ndodhet në Itali dhe është duke shqyrtuar ofertat për të vazhduar karrierën e tij.
Së fundmi, mediat italiane raportojnë për një interesim nga ish-ekipi i tij, Roma, pasi ky klub beson te aftësitë e teknikut.
Klubi nga kryeqyteti ka vendosur t’i besojë një projekt të rëndësishëm.
Panuçi pritet të jetë trajneri i ekipit U-23 të Romës, ekipit që do të regjistrohet në Seria C sezonin e ardhshëm, një taktikë që e ka ndjekur edhe Juventusi.
Ish-trajneri i kombëtares sonë do të ketë detyrë të furnizojë ekipin e parë me talente.
Sipas mediave italiane mungon vetëm zyrtarizimi që Panuçi të rikthehet në stol.
Ai pritet të marrë me vete edhe Marko Kasetin, me të cilin bashkëpunoi edhe te Shqipëria.