Turistët që bëjnë selfie ndërkohë që aeroplanët nisen pranë një aeroporti në Tajlandë mund të rrezikojnë edhe dënimin me vdekje.
Shtrirja e rërës pranë aeroportit në ishullin e Phuket në jug të vendit është bërë një atraksion mjaft i populluar për pushuesit.
Shumë pushues në këtë plazh presin për ngritjen e aeroplanëve nga pista dhe pozojnë me mjetet fluturuese në sfond. Më pas këto foto sigurisht që përfundojnë në mediat sociale si Instagrami.
Por drejtuesit e aeroportit u ka ardhur në majë të hundës me situatën dhe kanë premtuar të mbyllin pjesën e plazhit. Ata janë të shqetësuar se plazhistët mund të bëhen shkak i ndonjë aksidenti që mund të rezultojë fatal.
Ata nuk kanë sqaruar ende saktësisht sesi pushuesit që bëjnë foto me avionët mund të paraqesin rrezik. Por, mendohet se lidhen me potencialin për të shpërqendruar pilotët në të njëjtën mënyrë siç i shpërqendrojnë dronët dhe lazerat.
Zyrtarët thanë për mediat lokale se dënimi maksimal për shpërqëndrimin e pilotëve me pajisje të tilla është dënimi me vdekje dhe tani e njëjta gjë mund të përdoret edhe për pushuesit që bëjnë selfie.
Burimi: Daily Mail | Përktheu dhe përshtati: JOQ Albania