Franca pritet që të ndalojë një tip shumë të përdorur të protezave të silikonit të cilat janë të lidhura me një formë të rrallë kanceri.
Lajmin e ka raportuar gazeta Le Monde dhe radioja publike franceze, duke cituar një letër që u është dërguar prodhuesve të ketyre implaneteve nga autoritetet shëndetësore.
Në një vendim që është cilësuar si historik, Agjencia Kombëtare e Mjekësisë dhe Produkteve Shëndetësore të Francës, i njoftoi më 2 prill prodhuesit mbi planet e saj për të ndaluar “prodhimin, shpërndarjen, import-eksportin, promovimin dhe mbajtjen e protezave me veshje poliuretani”.
Në letrën e dërguar autoritet shpjegojnë se ndalimi bëhet për shkakt të një rreziku të rrallë por serioz që vjen bashkë me implantet.
Këto proteza mendohet se janë të lidhura me rastet e limfomës anaplastike me qeliza të mëdha (BIA-ALCL), një formë e rrallë e kancerit. JOQ Albania
