Ato janë disa prej këngëtareve më të pasura në botë. Të pëlqyeshme për zërin e pamjen e tyre.
Këto gra cilësohen si më të mirat në botën e muzikës dhe pasuria e tyre shkon në disa miliardë euro.
Në këtë listë bëjnë pjesë këngëtaret të cilat kanë provuar edhe aftësitë e tyre në aktrim e fusha të tjera të artit dhe kanë rezultuar të suksesshme.
Nisur nga Beyonce e Mariah Carey, Madonna e Celine Dion jan pjesë e listës së famshme të më të mirave, këngëtareve që kanë një “perandori” fansash.
Madonna
Në krye të listës qëndron Madonna, vlera e pasurisë të së cilës vlerësohet të jetë 800 milionë dollarë. Ajo deri më tani ka shitur më shumë se 300 milionë kopje albumesh në mbarë botën dhe për këtë fakt ka hyrë në Librin e rekordeve të Guinnessit.
Gloria Estefan
Vendi i dytë është i rezervuar për këngëtaren latine, Gloria Estefan, që posedon një pasuri prej 700 milionë dollarësh. Përpos si këngëtare, ajo është edhe aktore dhe ka në pronësi disa restorante.
Celine Dion
Celine Dion, e cila ka shitur më shumë se 220 milionë kopje albumesh në mbarë botën, me pasurinë e saj prej 662 milionë dollarëve, është në vendin e tretë, sipas KP.
Mariah Carey
Pasuria prej 510 milionë dollarësh e bëjnë Mariah Carey që të renditet si e katërta në listën e këngëtareve më të pasura. Carey do të mbahet mend për mbi 200 milionë kopje albumesh të shitura.
Beyonce
Këngëtare, aktore, sipërmarrëse, modele dhe 17 herë fituese e çmimeve Grammy, Beyonce është padyshim një nga artistet më të suksesshme. Pasuria e saj vlerësohet 450 milionë dollarë, mjaftueshëm sa për t’u renditur e pesta.
