Granit Xhaka është një nga futbollistët shqiptarë më të talentuar që për fat të keq përfaqëson Zvicrën në arenën ndërkombëtare.
Sëfundmi një foto e tij është zgjedhur si më e mira e vitit 2018.
Bëhet fjalë për foton e famshme, ku Xhaka bëri shqiponjën dykrenare me duar, pas golit të shënuar ndaj Serbisë në Botëror.
Foto është shkrepur nga fotografi Lurent Gillieron dhe mori çmimin e parë në evenimentin e zhvilluar të enjtën në Zvicër, të quajtur “Swiss Press Photo Award 2019”.
Çmimi i parë u përzgjodh nga një juri e fondacionit Reinhardt von Graffenried.
Gjatë Botërorit foto u bë virale dhe shkaktoi shumë polemika në Zvicër.
Gjesti i Xhakës u cilësua si provokim dhe me kontekst politik. Për këtë aryse shqiptari u gjobit edhe nga FIFA.