Çfarë e detyroi nënën e 3 fëmijëve të vetëvarej? Flasin të afërmit e 41-vjeçares nga Berati

Një ngjarje e rëndë ndodhi ditën e djeshme në fshatin Molisht të Beratit. Një 41-vjeçare u vetëvar në kasollen pranë shtëpisë, duke lënë jetimë tre fëmijët e saj.

15-minuta para se të kryente aktin e rëndë 41-vjeçarja Merita Filaj kishte telefonuar policinë. Ajo i kishte kërkuar policisë që të kujdeseshin për fëmijët e saj. Ajo jetonte me dy vajzat e mitura, nxënëse në shkollën 9-vjeçare. Ndërsa djali adoleshent dhe i shoqi ishin emigrantë në Greqi.

Familjarët tregojnë se Merita vuante nga depresioni dhe se prej ditësh nuk i kishte pirë ilaçet.

Deklarata e një banoreje:

Ishte grua e mirë dhe e urtë. Tani, kohët e fundit i kishte shfaqur shenjat e depresionit, më parë jo.”

Një banor shprehet:

Unë kam punuar në shtëpinë e tyre, shumë njerëz të mirë dhe korrekt. Vetëm i shoqi punon, shkon në Greqi, veç të ardhurat e emigrimit kanë.”

Mësuesit tregojnë se fëmijët kanë qenë shumë të qetë dhe se nuk kishin dhënë asnjë shenjë, se nëna e tyre ishte e prekur nga depresioni.

Deklarata e mësueses kujdestare:

Unë si mësuese kujdestare do të jap mbështetjen time për ata dy fëmijë.”

Një nxënëse shprehet:

Na vjen shumë keq për ato të dy, mos i ndodhtë kurrë njeriu që t’i ikë nëna, sepse është shumë e rëndë.”

Duket se mungesa e gjatë e familjarëve ka çuar Meritën drejt aktit të rëndë për t'i dhënë fund jetës dhe për të lënë fëmijët jetimë.