“Fshesa Cakaj”/ Shkarkohet kryetari i rëndësishëm i PS-së

Ministri i Jashtëm i Shqipërisë, Gent Cakaj ka shkarkuar mbi 20 diplomatë shqiptarë që kryejnë detyrat e tyre në vende të huaja. Këtë lajm e ka bërë të ditur vetë Cakaj gjatë një konference për media duke renditur si arsye, nepotizmin, klientelizmin dhe korrupsionin moral, që sipas tij, nuk duhet të tolerohen.

Në këtë mënyrë Cakaj ka akuzuar në mënyrë indirekte paraardhësin e tij Ditmir Bushatin.Ndërkohë që sot është shkarkuar nga detyra edhe Konsulli Shqiptar në Romë, Edmond Kumaraku.

Kumaraku është një emër i njohur në radhët e socialistëve, pasi prej vitesh mban postin e kryetarit të Partisë Socialiste të Degës së Italisë.

Në një njoftim të Partisë Socialiste kur kjo forcë ishte ende në opozitë, kryetari Edi Rama zhvilloi asokohe një takim me kryetarët e degëve të PS në emigracion.

Deklarata e Cakaj:

Sot ndaj faktin se kam vendosur të shkëpus marrëdhënien me një pjesë të punonjësve që nuk përmbushin as kushtet ligjore dhe as minimale profesionale për të kryer detyrën dhe lëre më vizionin e kryeministrit Rama. Ju informoj se numri i të prekurve nga kjo iniciativë informatorë do të shkojë mbi 20. Axhenda reformiste e kapërcimit të pellgut të shkuar nuk përkon me nepotizmin në asnjë sektor. Shqipëria meriton të përfaqësohet nga më të dalluarit.”

Sipas tij, një pjesë tjetër e punonjësve do të transferohen menjëherë për të vepruar dhe punuar sipas nevojave të punës dhe jo sipas inercisë së të shkuarës.