Kryetari i Bashkisë së Tiranës Erion Veliaj, vetëm tre ditë më parë u rikandidua nga socialistët për një tjetër mandat 4-vjeçar. E mesa duket, kudo që shkon mban me vete edhe një fotograf profesionist, i cili kap momentet më pikantë të kryebashkiakut.
Fotot më pas përzgjidhen e publikohen në rrjetet sociale. Këtë e ka konfirmuar edhe vetë Veliaj i cili tregon se fotografi e shoqëron edhe rrugës për në punë.
Postimi i Veliaj-t në Facebook:
Të shumtë kanë qenë qytetarët që kanë kaluar pranë kryebashkiakut Veliaj, por ai ka zgjedhur të bëjë foto vetëm me dy zonjat që shihen edhe në pamjet e publikuara nga vetë Veliaj.
Kujtojmë se Veliaj nuk pranon asnjëherë që të vendoset përballë kamerave dhe gazetarëve, vetëm në rastet kur ata janë punonjës të bashkisë.