Ditën e nesërme KQZ-ja do t’u japë mandatin e deputetit tre kandidatëve të tjerë nga listat e PD-së dhe LSI-së.
Këta tre kandidatë janë Arben Elezi nga PD Elbasan, Adriatik Alimadhi aleat i PD, njëkohësisht kreu i Ballit Kombëtar dhe Ambra Borova nga LSI Shkodër.
E ditur bëhet se të tre këta persona pranuan të marrin mandatin duke dorëzuar formularët e vete deklarimit.
Kështu me këta tre emra të rinj që do të betohen si deputetë, numri i deputetëve në Kuvendin e Shqipërisë do të shkojë në 99.
Deri më tani janë betuar si deputetë të Kuvendit të Shqipërisë, Ylli Shehu, Aurora Mara, Enver Roshi, Edmond Rrushi, Lefter Maliqi, Alban Zeneli, Ligoraq Karamelo, Majlinda Halilaj, Ediola Braha, Edlira Hyseni, Elda Hoti, Ralf Gjoni, Nimet Musaj dhe Enada Kociraj.
Kurse Lefter Koka, Myslim Murrizi dhe Rudina Hajdari nuk pranuan ta digjnin mandatin e tyre të deputetit.