Analisti Artur Zheji ka komentuar situatën politike në Shqipëri.
Ai ka folur për mikrofonat e Tg2 duke thënë se në zgjedhjet e vitit 2017, u deformua më shumë se 20% e votës së shqiptarëve.
Me tej ai përmendi deputetët e Ramës, të larguar nga parlamenti si pasojë e procesit të dekriminalizimit.
Analisti e ka cilësuar Ramën si një tip që e pëlqen perfeksionin.
Zheji tha ndër të tjera se kryeministri është një piktor që kuron realitetin e shëmtuar shqiptar.
Intervista
Zheji: Këta zotërinjtë e drogës, apo e të gjitha trafiqeve të mundshme janë edhe ata zotërinj që në rastet e fushatave elektorale sjellin më shumë vota dhe të mbajnë në pushtet. Kjo u pa në mënyrën më të bujshme në zgjedhjet e vitit 2017 ku u deformua më shumë se 20% e votës së shqiptarëve. Ne kemi patur në parlamentin shqiptar mbi 10 deputetë nga e majta e Ramës që më vonë u zbulua se kishin precedentë penalë të papranueshëm.
Gazetari: Është transversal ky pushtet përmes edhe ndërhyrjeve politike, qofshin socialistë apo demokratë?
Zheji: Sipas meje, nuk ka asnjë parti politike në Shqipëri që nuk është le të themi infektuar nga virusi i kësaj sëmundjeje. Por ai, unë e them shpesh në emisionin tim, për faktin që Rama është një tip që e pëlqen prefeksionin, është një piktor, shikon detajet, të gjitha gjërat duhet të jenë në një farë harmonie, e ka çuar në perfeksion edhe këtë pjesë të shëmtuar të realitetit shqiptar.
