Natën e 18 marsit, Jurgen Kurti, 26 vjeç u ekzekutua me armë zjarri nga një makinë në lëvizje pranë banesës së tij, në rruhën "Zef Jubani", në Tiranë.
Kurti i cili njihej edhe si menaxheri i VIP-ave, nuk ishte një emër i panjohur për policinë. Ai u arrestua në 2016-ën, pasi u akuzua për vrasjen e të atit.
Ndërkohë një vit më vonë në Durrës, Kurti përfshihet sërisht në një ngjarje të rëndë, ku shtetasi Agim Arapi u dhunua barbarisht dhe humbi jetën.
Por nga të dyja këto vrasje ia doli pa bërë një ditë të vetme burg.
Ditën e sotme policia ka vënë në pranga tre persona, të dyshuarit si bashkëpunëtorë të vrasësit të Kurtit.
Të arrestuarit ishin: Elsi Levendi, 21 vjeç, lindur në Athinë/Greqi dhe banues në Tiranë; Alesio Berberi, 33 vjeç, lindur në Patos dhe banues në Patos, Fier dhe Olsi Qalliaj, 22 vjeç, lindur në Fier dhe banues në Patos.
Ka qenë "Shqiptarja" që ka bërë publike foton e Olsi Qalliajt.