Policia e Tiranë nëpërmjet një njoftimi për mediat ka bërë me dije se ka zbardhur vrasjen e të riut Jurgen Kurti, mbrëmjen e 18 marsit në rrugën “Zef Jubani”, në Tiranë.
Në pranga kanë rënë tre të rinj, të akuzuar si bashkëpuntorë në vrasje, gjithashtu u shpall në kërkim një tjetër.
Të arrestuarit janë:
– Elsi Levendi , 21 vjeç, lindur në Athinë/Greqi dhe banues në Tiranë;
–Alesio Berberi, 33 vjeç, lindur në Patos dhe banues në Patos, Fier;
–Olsi Qalliaj, 22 vjeç, lindur në Fier dhe banues në Patos.
Si dhe u bë shpallja në kërkim e një shtetasi tjetër.
Në njoftim shkruhet ndër të tjera se:
Nga informacionet e grumbulluara, provat e administruara dhe të sekuestruara, si dhe tërësia e veprimeve hetimore të kryera, dyshohet se autorët e kësaj ngjarje janë shtetasit e mësipërm së bashku me një shtetas tjetër të shpallur në kërkim.
Policia gjatë kontrollit fizik dhe në banesat e këtyre shtetasve gjeti dhe sekuestroi një automjet që u ka shërbyer autorëve për tu larguar nga vendi i ngjarjes, si dhe dy makina të tjera luksoze.
Gjithashtu u gjet dhe një armë zjarri “Pistoletë TT”, fishekë luftarak, një sasi prej 2470 Euro e lekë shqiptare, 13 aparate celular, si dhe një sasi e vogël lënde narkotike.
Veprimet hetimore janë në vazhdim e sipër për të bërë të mundur dokumentimin e plotë me prova ligjore të personave të tjerë të përfshirë në këtë ngjarje, si dhe për dokumentimin e motiveve të kësaj ngjarje.
Për arsye hetimore nuk bëjmë me dije të dhëna të tjera pasi cënojnë hetimin.
