Një burrë, që nuk u fut në periudhën e pubertetit dëri në moshën 20-vjeçare, mori më në fund lajmin e mirë se do të bëhet baba.
38-vjeçari Jared Gale, kaloi vite të tëra duke vrarë mendjen se pse trupi i tij nuk po zhvillohej njëlloj si ai i bashkëmoshatarëve të tij.
Kur ai ishte 18-vjeç kishte tiparet e një 10-vjeçari dhe kjo nuk ia bënte aspak të lehtë situatën në shkollë dhe kudo.
Për vite me radhë Jared tallej nga shokët për mungesën e qimeve në fytyrë ose trup, për zërin e hollë si dhe për faktin se trupi i tij ishte më pak i zhvilluar se ai i të tjerëve.
Vuajtjet e Gale morën fund, deri diku, ku ai u diagnostikua në vitin 2001 me Sindromin Kallman.
Personat që vuajnë nga kjo sindromë kanë nivele të ulëta testosteroni si dhe kanë nuhatje dhe shijim të reduktuar.
Tashmë, pas shumë vitesh terapish me hormone dhe përpjekjeve për të bërë një fëmijë, Jared dhe bashkëshortja e tij, Jessica presin të bëhen prindër me binjakë. JOQ Albania