Pamjet e videos që do të shikoni më poshtë, janë filmuar në Tiranë dhe janë hedhur në profilin në Instagram të personit që ka kryer shkeljet, duke u marrë si për mburrje.
Në kryqëzimin e “21 Dhjetorit” kalon kundravajtje dhe më tepër para Komisariatit Nr.2 të Policisë.
I riu nga Rrësheni hyn edhe me semafor të kuq duke rrezikuar jetën e çdo këmbësori.
Makina e policisë pas tij nuk vë re asnjë shkelje, teksa ai vazhdon e bëhet gati të hedhë fill pas kësaj mburrjen e radhës, ose më saktë shkeljen e radhës në Instastory.
Ai bën të njëjtin veprim edhe në Rrugën e Elbasanit. Pyetjet që të bien në mend pasi sheh këtë video janë disa...
Kush ia ka dhënë patentën këtij djali? Cili është miku i fortë që e bën policinë të bëjë një sy qorr kur e sheh në shkelje?
A është jeta e tij më e vlefshme se aj e qytetarëve të tjerë të Tiranës?
Qytetari i cili ka dërguar videot, është shprehur:
Shpresojmë që video të tilla të sjellin marrjen e masave ligjore nga institucionet përkatëse, pasi kjo tregon një neglizhencë dhe shpërdorim detyre.
Video të tilla që tregojnë fenomene ligjshkelëse, meritojnë vëmendjen e duhur edhe nga drejtuesit e mjeteve për të mos vënë në rrezik jetën e tyre apo të kalimtarëve.