JOQ Albania
Home

Falltori kosovar tenton ta vras veten në burg
Shkruar nga: A Gashi | Publikuar më: 08/03/2019 11:41

  • Share
  • Share
  • Share
  • Share

Mjeku popullor, Hysri Peqani i njohur si “Burdushi”, ka tentuar që të vras veten në Qendrën e Paraburgimit në Prizren.

Mediat ralortojnē se i njëjti rreth dy javë më parë, ka tentuar që me anë të një mbulese (çarçaf) të vetëvritet.

Tentim vetëvrasjen e “Burdush”-it e ka konfirmuar edhe avokati i tij, Asdren Hoxha.

Sipas tij, tentim vetëvrasja erdhi pas padrejtësive që po i bëhen “Burdushit”.

“E konfirmoj një rast i tentimvrasjes ka ndodh në Qendrën e Paraburgimit në Prizren, sepse më ka thënë drejtpërdrejt vetë klienti im, i cili e ka shprehur si revoltë ndaj padrejtësisë që po i bëhet, me caktim dhe vazhdim të paraburgimit pa asnjë arsye, procedurës për sekuestrim të pabazë të gjithë pasurisë, faktit që asnjë i dëmtuar nuk është lajmëruar vullnetarisht para arrestimit të tij por, pas arrestimit janë joshë dhe ftuar njerëz që për interesa personale të lajmërohen dhe të deklarojnë kundër tij, gjë që është e pazakontë. Dhe ai e sheh si padrejtësi, pastaj edhe vonesa në procedurë për katër muaj në paraburgim pa aktakuzë të gjitha këto e kanë shtyrë siç ka thënë klienti në një akt të tillë”, tha Hoxha.

Hoxha shtoi se kërkon nga institucionet që të zbusin masën në mënyrë që të parandalohet siç thekson ai e ‘keqja’.