Ditën e sotme opozita sikurse e kishte paralajmëruar mblodhi në sheshin para Parlamentit, mijëra protestues, të cilët thërrisnin "Rama ik, Rama ik".
Protesta u shoqërua me fjalime të spektërve politikë nga PD e LSI, ndërsa protestuesit nuk i kursyen tymueset në drejtim të policisë.
Por sikurse ka ndodhur edhe në protestat e tjera që është hedhur gaz lotsjellës apo tymuese, qytetarët e sotëm i trembeshin sërish këtij fakti prandaj kanë marrë masa.
Në foton e siguruar nga JOQ Albania shihet një djalë, protestues, i cili ka improvizuar një maskë për mbrojtjen nga gazi lotsjellës.
Por për ironi të fatit, sapo protestuesit kanë marrë masa kundra gazit, sot policia hodhi në drejtim të tyre ujë.