Edi Rama ishte i pranishëm ditën e djeshme në Samitin e Diasporës në Tiranë.
Ai është fokusuar nga kamerat në momente tensioni duke performuar mimika të çuditshme fytyre. Nisur nga varet e shpeshta të buzëve si një fëmijë të cilit nuk i është plotësuar qejfi, e deri tek prekja e shpeshtë me dorë e kollares, Rama u ka bërë përshtypje operatorëve, të cilët kanë filmuar çdo lëvizje të tij.
Kryeministri duket tejet i tensionuar në momentet kur ngre kokën lart dhe çon shikimin në tavanin e sallës e më pas duket i mërzitur nga situata.
Duket se Ramën e mundon diçka…
Tensioni iu pasqyrua edhe në zë, kur mbajti fjalim në sallë dhe kishte luhatje zëri, shpesh të larta apo të ulëta gjatë kohës që i bënte thirrje Bashës të flisnin për situatën politike të krijuar me djegien e mandateve.
Gjatë kohës që u ngrit duke mbajtur fjalimin, një i pranishëm në sallë i tha: I love you! Nuk do ishte çudi që ky të ishte një skenar i Fugës, i njohur ndryshe si "truri" i PR të Ramës, i cili kohët e fundit është i gatshëm edhe t'i shesë shpirtin djallit për të rregulluar imazhin e përdhosur të shefit të tij.
Nga kjo fjali që e çoi në qiellin e 7-të dhe tejet ekzaltoi KM-në, ai ia ktheu me të njëjtën kusur "dashurinë" dhe nuk hezitoi të publikonte edhe një video në Instagram.
Aty duket një brune e ulur në krah të ministrit të Turizmit dhe Mjedisit, Blendi Klosi, e cila përdredh buzët gjatë këtij momenti.