Sot rreth orës 7:00 të mëngjesit i dyshuari kryesor për vrasjen e 27 vjeçarit e cila ndodhi dje në Prishtinë është vetëdorëzuar në polici.
Policia ka njoftuar se gjatë vetëdorëzimit i dyshuari ka sjell në stacionin policor edhe armën me të cilën dyshohet se u kry krimi, raporton JOQ Kosova.
26 vjeçari B. Sh. është intervistuar dhe me urdhër të prokurorit është dërguar në mbajtje për 48 orë.
Viktima e djeshme
Kjo është komunikata e plotë e Policisë:
Intensiteti i punës së hetuesve policor, të cilët që nga momenti kur ka ndodhur rasti kanë bastisur gjashtë lokacione për të lokalizuar/arrestuar të dyshuarin, si dhe thirrjet zyrtare nga ana e tyre, kanë bërë që sot rreth orës 07:00 i dyshuari kryesor për këtë rast: B. Sh mashkull 26 vjeç, të vetë dorëzohet në stacion policor. I njëjti ka dorëzuar edhe një armë zjarri (revole) e cila dyshohet të jetë përdorur në rastin në fjalë.
Po ashtu nga ana e policisë, është konfiskuar për ekzaminim edhe një veturë e tipit CITROEN.
Aktualisht hetuesit policor po kryejnë proceduarat e nevojshme policore, ndërkohë që personit të dyshuar, nga ana e prokurorit i është shqiptuar masa e ndalimit për 48 orë.