Legjenda e modës, Karl Lagerfeld u nda nga jeta në moshën 85-vjeçare. Lajmi i hidhur ka mërzitur të gjithë ata që e ndiqnin prej vitesh dhe janë frymëzuar prej tij.
Mes personave që kanë pasur fatin të punojnë me Lagerfeld janë edhe tre vajza shqiptare që njihen tashmë edhe në botë.
Por, edhe pse stilisti i njohur ka punuar me Rita Orën, Dua Lipan dhe Bebe Rexhën, ai nuk ndiqte asnjërën nga to në Instagram.
Këngëtarja shqiptare që ai ndiqte është në fakt Jonida Maliqi. Nuk është për t’u habitur nëse kujtojmë faktin që Jonida ka qenë gjithmonë një artiste me shije në të gjitha kuptimet.
Vetë këngëtarja ka shprehur keqardhjen për ndarjen nga jeta të legjendës së modës duke shpërndarë një nga shprehjet e tij në profilin e saj në Instagram.