Tashmë kur kanë kaluar 28 vite nga rënia e komunizmit, në Shqipëri demokracia është ende e brishtë dhe e pa konsoliduar.
Rënia e komunizmit përkon pikërisht me ditën, kur u rrëzua busti i diktatorit Enver Hoxha.
Një prej protagonistëve të asaj dite është edhe Astrit Hatellari. Ky i fundit ka treguar se ka qenë me studentët tre ditë rresht, ndërsa shton se protestës iu bashkuan njerëz nga kryeqyteti dhe e gjithë Shqipëria.
Hatellari tregon më tej se sipër godinave të institucioneve shtetërore ka pasur persona të gatshëm për të qëlluar.
Ai rrëfën se në protestë kishte më shumë gra sesa burra. Përsa i përket sjelles së policisë, Hatellari tha se dikush tentoi të qëllonte me pistoletë, por nuk e la turma. Ai shton se atë ditë i ka rënë rasti të ishte sipër bustit.
Ndër të tjera ai tregoi se dëshira e pushtetarëve ishte të vrisnin gjithe popullin, por e kuptuan se do vriteshin edhe vetë.
Ai tha:
Kam qenë tek studentet tre ditë rresht, biles kisha marrë edhe ushqime me vete. Të gjithë u turrëm. Pati një shkëmbim force me policinë dhe me ujë. Hymë në kryeministri e Bllok. Isha në vijën e parë me shumë të tjerë. Ndërmarrjet e Tiranës ishin të gjithë me studentët. Dikush duhet të paguaj që të fitojnë të tjerët. Tek bashkia ka pas mitraloz, tek Pallati i Kulturës ka pasur prapë. Tek Banka ka pasur snajpera. Nuk na bënin përshtypje. Nuk i shihnim për herë të parë këto gjëra. Ka pasur më tepër femra në shesh se sa meshkuj. Shumë meshkuj që sot hiqen si burra nuk kanë qenë as gra. Policia ka qenë agresive. Dikush erdhi me pistoletë për të vrarë. Njerëzit nuk e lanë. Më ra rasti mua për të qenë sipër bustit. Ata që ishin në pushtet donin të vrisnin gjithë popullin por e kuptuan se do vriteshin vet. E kuptuam në mbrapa. Po e shkatërrojnë këtë popull. Asnjëri nuk ka marrë pjesë në hedhjen e këtij momenti në hije. Për një karrige po hahen çakejtë me njëri-tjetrin dhe populli laraman po i vjen mbrapa.
