Tashmë jemi mësuar me gjërat që nuk shkojnë në Shqipëri, pasi e çuditshme do të ishte që gjërat këtu të funksiononin më së miri. Të gjithë jemi pjesë e gjërave të çuditshme që ndodhin rreth nesh dhe e mira është që kemi filluar të ndërgjegjësohemi së tepërmi.
Teuta Thanasi, pedagoge në Universitetin “Aleksandër Moisiu” të Durrësit, mbaron punën private pastaj shkon t’u japë mësim studentëve. E punësuar me kohë të plotë në universitet dhe më kohë të pjesshme në shkollën private, përparësi i jep kësaj të fundit, duke lënë studentët të presin korridoreve të auditorëve.
Rasti u trajtua nga emisioni investigativ “Fiks Fare”. Studentët ankoheshin se pedagogia e lëndës së Matematikës së Zbatuar, Teuta Thanasi paraqitej gjithmonë me vonesë në leksione.
Duke mos e gjetur pedagogen në vendin e punës, gazetarët iu drejtuan shkollës private, ku morën informacion se punonte pedagogia. Gazetarët u paraqitën pranë shkollës jopublike në hyrje të Durrësit, e kërkuan informacion te roja për të vërtetuar se pedagogia ishte brenda këtij institucioni.
Duke u informuar se zonja Teuta përdorte dy mbiemra, edhe atë të bashkëshortit, edhe atë të vajzërisë, gazetarët e pyetën rojën duke kërkuar për znj. Teuta Biti. Roja u tregua i gatshëm, duke konfirmuar se pedagogia ishte brenda duke dhënë mësim, e në përfundim të orës do ta njoftonte. Gazetarja e pret deri në momentet kur pedagogia del nga shkolla jopublike për të vërtetuar që Teuta Biti ishte njëkohësisht edhe Teuta Thanasi.
Gazetarët rikthehen sërish në universitet, ku studentët, të cilët presin të japin provimin me këtë pedagoge, shprehen:
Gazetarët shkuan përsëri në UAMD një javë më pas. Përsëri kërkoi pedagogen, por sërish pedagogia e Matematikës nuk gjendej në auditor, vetëm studentët që prisnin. Një bashkëpunëtor i emisionit investigativ, po këtë ditë e kap sërish pedagogen Teuta (Biti) Thanasi që del nga ambientet e shkollës, për të hipur në makinë. E shoqërojnë dhe, pas shkollës private, pedagogia i drejtohet universitetit.
Edhe në universitet, studentët pohojnë përsëri se ajo nuk vjen kurrë në 11:30 dhe se ditën e provimit, pedagogia u ka marrë detyrat e kursit dhe pikët e vlerësimit ua ka lënë në 17:30. Fakt që ka acaruar disa prej studentëve, pasi janë edhe në punë.
Pas të gjitha verifikimeve, gazetarja shkon të takojë pedagogen Teuta (Biti) Thanasi për ta pyetur mbi vonesat në leksione dhe ankesat që kanë studentët. Pedagogia u justifikua me pretendimin se gjithmonë kishte rënë dakord me studentët dhe se për rastin e provimit, ajo kishte lajmëruar zv.dekanin për vonesën.
Ajo nuk e pranon se vjen gjithmonë me vonesë, madje e pyetur për mësimdhënien në shkollën private, ajo pohon se nuk e pengon, pasi atje ajo jep mësim vetëm 3 ditë në javë, që nuk korrespondojnë me ditët që jep mësim në universitet. Në fakt, nga regjistrimet doli e kundërta.
Deklarata e pedagoges:
