Pesë persona dyshohet se kanë vdekur gjatë këtij viti në Kosovë nga gripi i derrit, apo virusi H1N1. Ndërsa 11 persona të tjerë janë paraqitur në Klinikën Infektive të QKUK-së. Tashmë ata janë në gjendje më të mirë shëndetësore.
Nga gripi i derrit të premten dyshohet se ka ndërruar jetë edhe një grua e rreth të 60-ve, nga Gjilani. Fëmijët e gruas 60-vjeçare që humbi jetën nga gripi i derrit, kanë hapyet dyert e mortit. Zonja Ramiqi, e lindur në vitin 1958, nga Pozorani, për tre ditë kishte pasur indikacione të gripit, duke ndërruar jetë pas tre ditëve në Kliniken Infektive të QKUK-së.
Mjekët në Spitalin Rajonal të Gjilanit kanë qenë të parët që kanë dyshuar se zonja mund të ketë qenë e prekur nga virusi H1N1, ndaj edhe e kanë dërguar të premten në mesditë me urgjencë në spital.
Por, me të arritur në QKUK, ajo ka ndërruar jetë.
Fadili bashkëshorti i të ndjerës deklaron:
Më tej ai shpjegon se mjekët kanë dyshuar se ajo mund të jetë e prekur me grip H1N1. Por, familja nuk ka pranuar që të ndjerës t’i bëhet analiza e obduksionit.
Fadili shton:
E ndërkohë vetëm nga rajoni i Gjilanit, dyshohet se tre persona tashmë kanë vdekur si pasojë e gripit të derrit, dy nga këto tre raste tashmë janë të konfirmuara. Këtë e ka thënë edhe drejtori i spitalit në Gjilan, Nysret Hajrullahu.
Ai shprehet:
Ndërkaq, drejtori i klinikës Infektive në QKUK, Hamdi Ramadani, ka deklaruar se për rastin e zonjës nuk mund ta flas sot, ngase nuk ka informata dhe se zonja kishte vdekur menjëherë pasi kishte arritur në Infektiven e QKUK-së.