Ambasada amerikane ka reaguar pas djegies së mandateve nga opozita.
Sipas saj, kërcënimet e PD-së dhe LSI-së për braktisjen e mandateve, minojnë parimet bazë të demokracisë.
SHBA i bën thirrje deputetëve të ngrihen mbi sherret politike.
Sipas ambasadës, nëse opozita dështon të bëjë punën e saj, zhgënjen njerëzit, të cilët kanë privilegjin që t'u shërbejnë.
Reagimi i ambasadës
Një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese. Kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme. Shtetet e Bashkuara iu bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë. Nëse dështoni të bëni punën tuaj, do të zhgënjeni njerëzit të cilëve keni privilegjin tu shërbeni.
I vetmi deputet që nuk ka pranuar të djegë mandatin e tij është Lefter Koka.