Gjykata e Apelit në Durrës ka lënë në fuqi vendimin e "arrestit me burg", për 7 adoleshentët që abuzuan me të miturën në Kavajë.
Ata abuzuan për 2 muaj rrjesht me 13-vjeçaren, duke e shantazhuar nëpërmjet një videoje intime, që ajo kishte realizuar me partnerin.
Skandali u zgjerua edhe më tej, pasi u mësua se i dashuri i 13-vjeçares mori dhe rolin e tutorit, duke deklaruar se do t'u merrete para personave që abuzonin me të miturën, derisa të blinte disa lojëra elektronike.
Ngjarja u tentua të fshihej nga policia, ndërsa denoncimi u bë nga ish-kryeministri Sali Berisha nëpërmjet një postimi në Facebook.
Deri më tani asnjë prej drejtuesve të shkollës apo të zyrës arsimore të Kavajës, nuk është proceduar.