Stomatologia Olesia Duka e cila përfitoi 3 milion euro nëpërmjet mashtrimit, ëstë njohur ditën e sotme me pretencën. Prokurori Madrid Kullolli,kërkoi për Dukën 15 vjet heqje lirie.
Stomatologia nuk ka qenë në sallën e gjyqit gjatë leximit të pretencës. Ajo gjithashtu ka pranuar gjykimin e shkurtuar, duke përfituar uljen e 1/3 së dënimit.
Më 4 mars është caktuar data e mbrojtjes, ndërsa më pas pritet të shpallet vendimi.
Duka është në burg që prej 28 shkurtit të 2018-ës.
Ajo arriti të mashtronte 14 persona, duke i thënë se do t'ja kthente paratë me përqindje më të lartë, pasi biznesi i saj gjeneronte të ardhura të mëdha.
