Prokurori Saimir Smaka ka kërkuar burgim të përjetshëm për autorin e "Masakrës së Selenicës", Ritvan Zykaj. Çështja i ka kaluar Gjykatës së Vlorës.
Zykaj vrau 8 anëtarë të fisit së tij më 10 gusht të vitit 2018 për shkak se e akuzuan për vjedhjen e pulave.
Ngjarja me një bilanc tejet të rëndë vdekjesh, tronditi mbarë opinionin publik.
Mbi 15 avokatë refuzuan që të mbronin 24-vjeçarin, i cili u dërgua në gjykatë me masa të forta sigurie.
Zykaj akuzohet për vrasje në rrethana cilësues të më shumë se dy personave.
Ai vrau me kallashnikov tetë kushërinjtë e tij për motive të dobëta.
Menjëherë pas kryerjes së krimit, 24-vjeçari u largua nga vendngjarja për t’u kapur nga policia 12 orë pas kryerjes së krimit. Zykaj tashmë do të mbahet mend gjatë si “monstra i Selenicës”, pasi prej dekadash në vend nuk kishte ndodhur një ngjarje kaq makabre.