Shitja e diplomave online vijon edhe pas protestës së studentëve, për një asrsim më cilësor. Faqe të shumta në internet, ofrojnë diploma për nivelin bachelor dhe master, pa u lodhur fare, natyrisht në këmbim të një çmimi.
Duke qenë se nuk ekziston një bazë qëndrore të dhënash për kontrollin e punimeve, ky fenomen vazhdon të ndodh rëndom. Top Channel kontaktoi një nga punuesit e diplomave, ndërsa mësoi edhe çmimet përkatëse.
Një diplomë e nivelit Bachelor kushton 100 euro nëse studion në shtet dhe 60 euro më shumë nëse studion në privat. Për nivelin Master, një diplomë kushton 130-160 euro, ndërsa në privat varion nga 210-250 euro.
Faqet online përveç diplomave ofrojnë edhe detyra kursi, çmimi i të cilave varion nga 15-100 euro. Me vendim të Këshillit të Ministrave, do të kontrollohen për plagjiaturë vetëm doktoraturat, ndërsa për diplomat nuk ekziston një sistem i tillë.
Një studente u shpreh se ka dëgjuar për të tilla raste, madje ku diploma shitet nga vetë pedagogët, ndërsa një tjetër tha se pas protestës, shreson që kjo gjë të rregullohet, pasi nuk është e lejuar.