Humbja ndaj PSG-së ka kaluar shpejt dhe Manchester United është rikthyer sot të shkëlqejë sërish në drejtimin e Solskjaer.
"Djajtë mundën mbrëmjen e sotme pastër me lojë dhe rezultat, Chelsean në sfidën e vlefshme për 1/8-at e FA Cup.
Gjithçka u vendos në pjesën e parë, kur Ander Herrera dhe Pol Pogba tundën rrjetat.
Ndeshja u mbyll 0-2 për Manchesterin, ndërsa Chelsea vazhdon me rezultatet negative, ndërsa tani i duhet të përballet edhe me eliminimin nga Kupa.
Kështu, ekipi i Solskjaer kalon në fazën çerekfinale ku pret kundërshtarin, i cili do të vendoset me short.