Mediat dhe rrjetet sociale po ndikojnë gjithmonë e më shumë në jetën e njerëzve. Një rritje e ndjeshme e numrit të njerëzve kanë filluar të besojnë se Toka është e rrafshët. Arsyeja e besimit për këtë teori është rritur nga media sociale You Tube.
Nga të gjithë njerëzit e intervistuar, vetëm njëri nuk e kishte parë vetë faqen e shndërruar në një industri miliarda euroshe. Të gjithë të tjerët pohojnë se ndryshuan mendje për formën e planetit pasi panë videot promovuese të teorive konspirative në YouTube.
Dyshimet e studiuesve u shtuan pas pjesëmarrjes në grumbullimet më të mëdha të përkrahësve të kësaj ideje, konferencës së tyre të përvitshme në Rayleigh të Karolinës së Veriut në 2017-tën dhe asaj në Denver të Kolorados vitin e kaluar.
Shumica e personave të intervistuar, treguan se tashmë ishin të bindur se Toka nuk është një planet i rrumbullakët që rrotullohet në hapësirë, por një disk i sheshtë. Këta persona tashmë kanë rrëzuar 2500 vjet shkencë vetëm e vetëm nga YouTube.
Sipas tyre, Toka e rrumbullaktë është një përrallë dhe në të vërtetë shtëpia jonë është e sheshtë dhe akujt në Polin e Veriut dhe Antarktida në jug na mbrojnë që të mos rrëzohemi prej saj.
Megjithëse ka me mijëra foto e filmime nga hapësira që provojnë se Dielli është qendra e sistemit tonë, ata parashtrojnë idetë e tyre kundër modelit heliocentrik dhe për të shmangur pyetjet e vështira të kundërshtarëve, diskutimet i zhvillojnë në forume të mbyllura në internet.
Deklarata e njërit prej të intervistuarve: