Pas dy dekadave të mosmarrëveshjes më të madhe të pazgjidhur të Evropës, presidenti serb Aleksandar Vuçiq thotë se është koha për një marrëveshje mbi Kosovën.
Pasi Greqia dhe rajoni ish-Jugosllav i Maqedonisë e zgjidhën konfliktin rreth emrit të vendit, presioni ndërkombëtar po zhvendoset tek Vuçiq për të punuar në një marrëveshje me presidentin e Kosovës Hashim Thaçi.
Kjo do t’i lejonte të dyja palët të anëtarësoheshin në Bashkimin Evropian dhe, të paktën në rastin e Kosovës, anëtarësim në NATO.
“Të dy e dimë se çfarë duam,” tha Vuçiq në një intervistë për gazetën Bloomberg , vendi i të cilit është në qendër të një luftë gjeopolitike për ndikim midis Rusisë dhe Perëndimit. “Nuk është aq larg sa duket.”
Ish shërbëtori i kriminelit Slobodan Millosheviq, Vuçiq nuk ka iluzione se do të jetë e lehtë.
“Të dy udhëheqësit do të duhet t’u shpjegojnë votuesve se asnjëra palë nuk do të marrë gjithçka që dëshiron”, pretendon ai.
Në anën tjetër, Thaçi, duke folur në një intervistë të shtunën në Munih, tha se dëshiron të besojë se viti 2019 do të jetë viti i marrëveshjes.