Ditën e djeshme në një atentat me armë zjarri në zonën e "Ujit të ftohtë" në Vlorë, ndërruan jetë dy persona, ndërsa u plagos edhe Armando Suljemani, i cili ishte shënjestra.
Edhe pse ndodhet në spital me dy plumba, atij i janë vënë prangat ditë e sotme. Kjo për shkak se në makinë u gjet një armë zjarri, që dyshohet se është e 42-vjeçarit.
Armando Sulejmani ose "Çipuri", është një person me precedentë të shumtë penalë. Ai njihet si anëtar i bandës së Gaxhait dhe ishte liruar nga burgu për vrasje rreth 3 vite më parë.
Gjithashtu Çipuri dyshohet se ka kryer një atentat në nëntor të 2018-ës në qytetin e Durrësit dhe një tjetër në janar të këtij viti në Vlorë, ku mbeti i plagosur, Mikel Mehmeti.
Kjo është hera e dytë që Çipurit i bëjnë atentat, pas atij të vitit 2016, teksa hynte në banesën e tij në lagjen “Pavarësia”, ku i shpëtoi 11 plumbave duke e kapur vetëm njëri prej tyre.
Për arsye hetimore, policia nuk ka dhënë të tjera detaje në lidhje me ngjarjen e djeshme.
Njoftimi i policisë:
Në vijim të veprimeve hetimore në lidhje me ngjarjen e djeshme, policia ka arrestuar në flagrancë 43 vjeçarin A.S., për veprën penale “Mbajtja pa leje dhe prodhimi i armëve, armëve shpërthyese dhe municioneve”.
Po punohet për zbulimin dhe kapjen e autorëve. Për arsye hetimi nuk japim detaje të tjera.