Atentati në Vlorë/ “Viktima ishte në përgjimet e drogës mes policisë dhe Habilajve, po hiqen qafe dëshmitarët”

Ish-kryeministri Sali Berisha referuar denoncimit të një qytetari shkruan se atentati i bërë ditën e djeshme në zonën e Ujit të Ftohtë në Vlorë, ku humbën jetën 2 persona dhe u plagos një tjetër ishte për të eliminuar dëshmitarin.

Në një postim në Facebook, Berisha ka publikuar mesazhin e një qytetari dixhital, i cili shkruan se viktima, që ka qenë shofer i makinës, ka qenë pjesë e përgjimeve të Habilajve dhe sipas tij fakti që po nxitojnë të përmendin faktin se i plagosuri ka qenë në bandën e Gaxhait në 1997, shërben për të mbuluar ndoshta shkakun e vërtetë.

Postimi i plotë i Berishës:

Shkaku i ekzekutimeve mafioze dje ne Vlore eshte eleminimi i deshmitareve! Lexoni mesazhin e qytetarit dixhital. sb Njeri nga te vraret ne Vlore, ai qe ishte edhe i zoti i makines, ka qene pjese e pergjimeve te droges mes oficereve te policise dhe grupit te habilajve. Fakti qe po nxitojne te permendin faktin se i plagosuri ka qene ne banden e Gaxhait ne 1997, sherben per te mbuluar ndoshta shkakun e vertete, dmth qe po hiqen qafe deshmitaret."