Barcelona vuajti jo pak mbrëmjen e sotme në fitoren minimale 1-0 ndaj Valladolid. Golin vendimtar të ndeshjes e shënoi magjiku Leo Messi.
Ky i fundit shndërroi në gol në penallti të fituar nga Pique në minutën e 43. Me këtë gol Messi vendos një tjetër rekord në karrierën e tij, duke shënuar për të 11 vitin radhazi më shumë se 30 gola në të gjitha kompeticionet.
Messi mund të kishte dyfishuar rezultatin, por u tregua i pasaktë në fundit e takimit, nga pika e bardhë e penalltisë.
Mbrëmje e veçantë ishte edhe për mbrojtësin Gerard Pique. Spanjolli me paraqitjen e sotme, kapi shifrën e 300 ndeshjeve në La Liga, duke u renditur i treti, pas Puyol dhe Migueli.