E akuzojnë se e bëri me qëllim, Ramos tregon të vërtetën e kartonit të verdhë

Kapiteni i Real Madridit, Sergio Ramos po akuzohet nga opinioni sportiv që e mori me dashje kartonin e verdhë ndaj Ajaxit për të munguar në ndeshjen e kthimit dhe të rikthehej në çerekfinale.

Kjo bëri që UEFA të hapte një hetim ndaj tij.

Megjithatë, vetë mbrojtësi spanjoll ka mohuar këto akuza duke deklaruar se nuk do ta bënte diçka të tillë, madje tha se shkaktoi faullin për t’i mohuar golin e barazimit Ajax-it.

Ai u shpreh:

Jam i befasuar nga e gjithë kjo. Faullin e bëra qëllimisht, pasi ishte një kundërsulm tepër i rrezikshëm. E dija që ai faull mund të ndëshkohej me karton të verdhë, por nuk kisha zgjedhje tjetër.

Në futboll duhet të marrësh vendime të komplikuara. Po të doja të pezullohesha, do ta kisha bërë në fazën e grupeve, në ndeshjen ndaj Roma-s ku e kishim siguruar kreun e grupit.