Debati politik ndërmjet krerëve të institucioneve të Kosovës rreth çështjes së taksës doganore ndaj prodhimeve të Serbisë dhe Bosnjës e Hercegovinës, si dhe kërkesës së Shteteve të Bashkuara të Amerikës për ta larguar atë nuk ka të ndalur.
Kryeministri i Kosovës, Ramush Haradinaj, i cili e nisi ditën me një takim me delegacionin shtetëror për bisedimet me Serbinë, ka komentuar shkurt deklaratat e fundit të Presidentit të Kosovës, i cili gjithashtu po kërkon heqjen e kësaj takse.
“As Presidenti, as askush nuk është zëdhënës i Amerikës. Ata e dinë vetë çka kërkojmë”, tha sot Haradinaj.
Sidoqoftë, këto reagime erdhën pasi presidenti Thaçi kërkoi të hiqet taksa pas këshillave të SHBA.
Ndryshe, Amerika është treguar e drejtpërdrejt në kërkesën e saj për heqjen e taksës që ka bllokuar dialogun, duke paralajmëruar edhe masa.
