Policia e Kosovës ka realizuar një aksion ndaj një fshatari që merrej me shitjen e mollave në treg.
Ngjarja ka ndodhur në Komunën e Hanit të Elezit, ku Policia ka ndaluar një person të dyshuar derisa ishte duke drejtuar veturën e tij, raporton JOQ Kosova.
Dyshimi binte mbi bartjen e një produkti, e që doli të jetë një lloj fruti.
Gjatë kontrollit të makinës i janë gjetur dhe i janë konfiskuar 400 kg mollë pa dokumente përcjellëse.
“Me vendim të prokurorit malli i dorëzohet Doganës ndërsa i dyshuari lirohet në procedurë të rregullt”, shkruan Policia e Kosovës.
Sidoqoftë, Komuna e Hanit të Elezit dhe Kaçaniku që janë afër, shpesh tregtojnë edhe me Maqedoninë, mirëpo Policia nuk ka bërë të ditur nëse mollët i ka kapur si të kontrabanduara.