U luajtën sonte dy sfidat e radhës për fazën e 1/8-ve të Champions League. Reali i Madridit, fitoi në minutat e fundit në transfertë ndaj Ajaksit me shifrat 1-2, ndërsa Tottenhami mposhti 3-0 Dortmundin.
Ajax-Real Madrid 1-2
Ishte Benzema që zhbllokoi shifrat në minutën e 60-të, por Zieç u kundërpërgjigj me një kundërsulm të bukur të Ajaksit, në minutën e 75-të.
Teksa takimi po shkonte drejt barazimit, për golin e fitores të Realit mendoi Asenio i cili vulosi takimin në shifrat 1-2. Gjithsesi, kualifikimi mbetet i hapur për ndeshjen e kthimit.
Tottenham-Dortmund 3-0
Ndërkaq, gjysmën e punës e ka bërë Tottenhami në sfidën tjetër pasi fitoi 3-0. Edhe pse me mungesat e Dele Ali dhe Herri Kejn, “gjelat” shënuan plot 3 gola në pjesën e dytë.
Fillimisht me koreanin Son, sapo nisën 45 minutat e dyta, dhe më pas, teksa loja po shkonte drejt fundit, gjeti rrugën e rrjetës edhe dy herë në minutat 83 dhe 86, me Vertonghen dhe Jorenten, duke hedhur kështu një hap të sigurt drejt turit tjetër.