E ka pasur kundërshtar për shumë vite me radhë dhe e njeh mjaft mirë.
Ish-mbrojtësi i Real Madridit, Alvaro Arbeloa ka lëshuar një deklaratë të çuditshme për Leo Messin.
Në një intervistë të dhënë në emisionin “El Chiringuito”, mbrojtësi spanjoll ka pranuar se nuk e urren argjentinasin, por do vetëm më të mirën për Real Madridin.
Ai u shpreh:
Unë e respektoj shumë Barcelonën, është një ekip i madh me një lojtar të shkëlqyeshëm, si Mesi. Është shumë i mirë, por kurrë nuk e kam shijuar lojën e tij, as nuk mendoj se do të kënaqem me të.
Shpresoj të tërhiqet sa më shpejt nga futbolli, po numëroj ditët. Nuk kam asgjë kundër as me Barcelonën dhe as me futbollistin, por unë dua vetëm më të mirën për Real Madridin dhe si i tillë dua që Barcelona të humbasë që në stërvitje."
