Barcelona mendon gjithmonë për të ardhmen dhe sot ka bërë një investim të rëndësishëm.
Sipas mediave spanjolle, katalanasit kanë arritur akordin me sulmuesin serb, Luka Joviç, i cili aktivizohet në Bundesligë te Ajntraht i Frankfurtit.
Lojtari është në pronësi të Benfikës, por këtë sezon luan si i huazuar në Gjermani.
Transferimi përfundimtar pritet të kryhet në merkaton e verës.
21-vjeçari po kalon një formë fantastike dhe ka shënuar 14 gola në kampionat këtë sezon, duke kryesuar renditjen e golashënuesve në Bundesligë.
Duke parë se Luis Suarez është 32 vjeç dhe nuk mund të përballojë më të gjitha ndeshjet e sezonit, Barcelona sjell në ekip një lojtar të ri dhe energjik.