Edhe pse Ole Gunar Solsjkaer ka 10 fitore dhe 1 barazim në 11 ndeshjet e tij të para me Manchester United, duket se drejtuesit nuk janë të bindur te aftësitë e tij.
Ata nuk kanë ndërmend t'ia rinovojnë kontratën dhe në përfundimin e sezonit, Solskjaer praktikisht duhet të rikthehet te Molde.
Këtë skuadër, ai e drejtonte para se të merrte drejtimin e ‘Djajve të kuq’.
Drejtuesit e Moldes e duan me çdo kusht trajnerin norvegjez dhe nuk e kanë ndërmend ta lejojnë kaq lehtë të largohet.
Nga ana tjetër, duke parë hezitimin e Manchesterit, situata bëhet e komplikuar.
Do të ishte vërtet mëkat që drejtuesit e Manchester United të lejonin të largohet njeriun i cili po bën tifozët të përjetojnë një ëndërr.