Mbrëmë në Ferizaj janë konfiskuar 220 kg substancë narkotike të llojit marihuanë që dyshohet se ka ardhur nga shteti i Shqipërisë dhe gjithashtu janë konfiskuar tri vetura.
Me këtë rast, janë arrestuar pesë persona për shkak se ekziston dyshimi i bazuar se të njëjtit duke vepruar si anëtarë të grupit të organizuar mirë, kishin për të kryer vepër penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, raporton JOQ Kosova.
Personat e arrestuar dyshohet se këtë sasi të marihuanës kanë pasur për qëllim ta transportojnë jashtë shtetit të Kosovës.
Prokuroria bën të ditur se janë duke vazhduar hetimet për pjesën e grupit të cilët ende janë në arrati.
Ndryshe, me urdhër të Prokurorit të Shtetit, pesë të arrestuarve u është caktuar masa e ndalimit për 48 orë.