Ashtu si Shqipëria, edhe Kosova u trondit nga një rast i përdhunimit të minorenëve. Mësuesi që akuzohet për përdhunimin e 16-vjeçares nga Drenasi është njohur me masën e sigurisë.
Për të gjykata ka vendosur një muaj burg. Ndaj tij rëndojnë akuzat e "abuzimit seksual duke shpërdoruar detyrën" dhe "nxitja e akteve seksuale me premtimin e rremë për martesë".
Ky rast mori përmasa më të mëdha, pasi e mitura u abuzua edhe nga oficeri i policisë. Ngjarja shkaktoi reagime të forta në opinion publik, ku mijëra qytetarë dolën të protestonin në shesh.
Ky nuk është një rast i izoluar por një fenomen, pasi vetëm në 24 orët e fundit në Kosovë janë raportuar edhe dy raste të tjera. Prokuroria kosovare ka ngritur aktakuzë edhe ndaj një mësuesi, i cili dyshohet se ka ngacmuar seksualisht 27-nxënës nën moshën 16-vjeç.
Ndërsa rasti tjetër është rejistruar në Gjilan, ku një pjesëtar i Forcave të Sigurisë së Kosovës, dyshohet se ka abuzuar seksualisht me një 15-vjeçare.
Bazuar në të dhënat zyrtare, në Kosovë në dy vitet e fundit, janë shënuar 123 raste ngacmimesh, keqtrajtimesh apo abuzimesh me fëmijë.
