Fajëson mediat për agresion, por Rama bën autogol me rastin e përdhunimit të 13-vjeçares

Prej disa ditësh opinioni publik në Shqipëri është tronditur nga përdhunimi i 13-vjeçares nga 7 bashkëmoshtarët e saj në Kavajë.

Ka qenë kryeministri Edi Rama ai që ka bërë apel dhe madje ka fajësuar mediat se po tregohen agresive me rastin e 13-vjeçares.

Ndërkohë gjatë pasdites së sotme ministrja dhe deputetja, Elisa Spiropali ka qenë në familjen e 13 vjeçares dhe ka zhvilluar një intervistë me ta.

Por për çudinë e të gjithave atyre që ka deklaruar Rama në lidhje me ruajtjen e privatësisë së vajzës, kjo intervistë është publikuar edhe në profilin zyrtar të kryeministrit me zë dhe figurë. Në video identifikohen mjaft qartë se cilët janë prindërit e vajzës.

Krahas videos së publikuar ai ka shkruar:

Ministrja dhe deputetja Elisa Spiropali, viziton familjarët e vajzës së mitur në Kavajë. Ata ndjehen të pambrojtur nga agresioni publik i politikës e medias dhe luten për respektimin e privatësisë së vajzës."

Ndërkohë mediat nuk kanë dhënë asnjë detaj, i cili mund të çonte në identifikimin e vajzës, sepse dihet që gjendja e saj psikologjike saj do rëndohet më shumë, kurse vetë kryeministri Rama ka nxjerrë me zë dhe figurë dy prindërit e vajzës së mitur.

Komentet ju takojë juve tani.