Haradinaj ashpërson tonet me Ramën: E lus që të merret me përgjegjësitë e veta, jemi dhe ne këtu

Kryeministri i Kosovës, Ramush Haradinaj ka ashpërsuar tonet me homologun e tij Edi Rama.

Haradinaj teksa përsëriti edhe njëherë qëndrimin e tij kundër ndryshimit të kufijve, i ka kërkuar Ramës që të merret me përgjegjësitë e tij, pasi në Bruksel është i pabesueshëm.

Nga emisioni “Pressing”, Haradinaj komentoi edhe darkën me liderët e koalicionit dhe kryeministrin shqiptar, duke thënë se ishte ideja e këtij të fundit.

Haradinaj tha:

Nëqoftëse në Bruksel e dijnë që Rama po favorizon prekjen e kufijve të Kosovës, atëhere si do të jete figurë e besueshme ai për Brukselin dhe për Berlinin. E lus kryeministrin Rama që të merret me përgjegjësitë e veta. Që na ndihmon me mendime dhe sugjerime dakord, por jemi edhe ne ktu.

Përsa i përket Baton Haxhiut, Haradinaj tha se po përfshihet në një axhendë që nuk i takon.

Haradinaj shtoi:

Unë e shoh Batonin të përfshirë skajshmërisht në një agjendë që nuk është edhe aq e rëndësishme për të. Nuk duhet me marr ma shumë rol se çke.