Policia ka njoftuar se një person është gjetur pa shenja jete para shtëpisë së tij në rrugën “Qajkovski” në Prishtinë.
Ngjarja ka ndodhur dje rreth orës 01:30 pas mesnate. Sipas policisë viktima dyshohet se ka kryer vetëvrasje, raporton JOQ Kosova.
“Viktima mashkull K/Shqiptar afër shtëpisë së tij në rrugë, është gjetur pa shenja jete i cili dyshohet se kishte bërë vetëvrasje. Në vendin e ngjarjes kanë dalë njësitë relevante të policisë dhe mjeku, i cili e ka konstatuar vdekjen e viktimës. Afër trupit të viktimës është gjetur dhe është konfiskuar një pistoletë dhe një gëzhojë”, njofton policia.
Trupi i pajetë me urdhër të prokurorit, është dërguar në Institutin e Mjekësisë Ligjore për obduksion.
Kujtojmë se, edhe pse Kosova llogaritet si një shtet i vogël për nga numri i popullsisë, po vazhdon të ballafaqohet me numër të lartë të vetëvrasjeve.
