Haradinaj reagon për përdhunimin e të miturës në Kosovë, Rama “fle gjumë” për rastin e 13-vjeçares

Pas abuzimit seksual me një të mitur në Drenas nga mësuesi i saj dhe nga një polic, ka reaguar kryeministri i Kosovës, Ramush Haradinaj.

Në një postim në Facebook, Haradinaj shkruan se ndihet i tronditur nga kjo ngjarje e rëndë dhe kërkon menjëherë që organet e drejtësisë të merren me rastin.

Kryeministri falenderon gjithashtu mediat për angazhimin e pandalshëm dhe për raportimin e rasteve të tilla, ku sipas tij shtyjnë reagimin institucional dhe shtetëror.

Reagimi i Haradinaj:

Me shqetësim mora lajmin për rastin e fundit të abuzimit seksual me të miturën nga Drenasi. Jam i tronditur që një mësues që i besojmë femiun dhe një polic që i besojmë sigurinë të abuzojnë me një të mitur. Përgëzoj reagimin e shpejtë të autoriteteve komunale dhe qëndrore ndaj këtyre abuzuesve. Bashkëndjejë me familjen e të abuzuares dhe i siguroj që organet e drejtësisë do të merren me rastin seriozisht. Dua t’i falenderoj mediat për angazhimin e pandalshëm që të raportojnë për raste të tilla dhe të shtyejnë reagimin institucional dhe shoqërore. Apeloj te të gjitha vajzat dhe gratë që janë cak i abuzimeve dhe kërcënimeve të kësaj natyre, të paraqesin rastet dhe të raportojnë dhunuesit."

Risjellim në vëmendje se një ngjarje e rëndë u bë publike edhe disa ditë më parë në Kavajë, pasi një 13-vjeçare ishte përdhunuar në grup nga 8 djem, për rreth dy muaj rresht.

Por nga qeveria nuk pati asnjë reagim, deri kur në një konferencë për mediat ministrja e Marrdhënieve me Parlamentin, Elisa Spiropali u shpreh se me raste të tilla bëhen edhe skenarë filmash, ndërsa kryeministri Edi Rama deri më "fle gjum".