Zëvendës ministri për diasporën në Kosovë Arian Daci, humbi jetën para pak ditësh në Brezovicë, si pasojë e një orteku bore. Puna për largimin e ortekëve të rrezikshëm ka filluar që në 2 shkurt në kompleksin turistik të Brezovicës. Ata e shkatërruan ortekun e parë me eksploziv, i cili paraqiste rrezik të madh për krijimin e një orteku edhe më të madh dhe shumë të rrezikshëm për qytetarët.
Për shkak të motit të vështirë dhe erërave të forta deri në 60km/h, operacioni është dashur të ndërpritet, për të vazhduar më 4 shkurt. Kështu ata e kanë larguar edhe ortekun e dytë.
Në një lartësi mbidetare mbi 2.230 metra dhe mot të keq, ekipet e Kërkim-Shpëtimit dhe Deminimit të Forcës së Sigurisë së Kosovës, kanë realizuar me sukses misionin për largimin e ortekëve të borës.
