E dhunuara gjatë luftës, Vasfije Krasniqi, ka komentuar dhunimin e 16 vjeçares nga Drenasi.
Krasniqi ka thënë se ky rast është një tmerr, duke shtuar se nuk po mund të gjejë fjalë për ta përshkruar ngjarjen, raporton JOQ Kosova.
“Nuk kam fjalë si të shprehem për rastin e 16 vjecares nga Drenica. Tmerr”, ka shkruar Vasfije Krasniqi – Goodman.
Ndërkohë, ky rast ka tronditur gjithë Kosovën dhe ka sjellur reagimin edhe të krerëve shtetërorë, të cilët e kanë dënuar këtë rast.
Ndryshe, nesër nga ora 12:00 është paralajmëruar protestë para stacionit policor, në rrugën “Luan Haradinaj” në Prishtinë.