Një grua në Britaninë e Madhe ka rrezikuar jetën për të shpëtuar një qen që ishte duke u mbytur.
Ngjarja ka ndodhur në një Park në Hull ndërsa gruaja u hodh në ujin e ngrirë të liqenit dhe notoi për 18 metra për të arritur deri tek kafsha e gjorë.
Dëshmitarët kanë thënë për mediat se qytetarja e paidentifikuar e pati shumë të vështirë derisa e arriti qenin që mendohet të ketë qenë një bulldog i bardhë.
Thuhet se qeni i përkiste një të moshuari dhe kishte ndaluar së notuari pasi ujërat e liqenit ishin shumë të ftohta. Ndërsa, sa për gruan që rrezikoi jetën për bulldog-un, ajo është konsideruar masivisht si një heroinë e vërtetë.